Најпосле гигантот за пребарување, Google, го представи својот добро познат пребарувач Chrome за своите Android уреди… или за некои од нив. Оваа вест има добри и лоши страни за Android корисниците. Ќе започнеме со добрите.
Како и на десктоп верзијата така и на мобилната верзија фокусот е во брзината и едноставноста, па дури можете и да го синхронизирате со вашата десктоп верзија. Бидејќи сеуште некои од функционалностите не се довршени, Google го има додадено зборчето Beta за моменталната верзија и ќе почека на разните реакции и резултати од Android заедницата на корисници и програмери со цел овој пребарувач да се подобри.
Она што ја прави мобилната верзија на Chrome толку посебна е можноста за интеграција со верзијата на вашиот десктоп компјутер. Доколку сте најавени и од двете места, мобилната и десктоп верзијата, тогаш ќе ви се отворат истите табови кои ги имате отворено на десктоп верзијата и нормално опцијата за синхронизација на вашите bookmarks.
Лошите вести пак за овој мобилен пребарувач се тоа што за сега тој работи само на Android 4.0 Ice Cream Sandwich кој моментално е 1% од Android корисниците кои имаат вакви уреди. Меѓутоа големи се шансите дека XDA-програмерите ќе направат верзија која ќе биде прилагодена и за постарите верзии на Android. Доколку се појави таква верзија, веднаш ќе бидете известени!
Оние кои веќе имаат уред со Android 4.0 Ice Cream Sandwich можете бесплатно да го преземете од Android Market на следниов линк.
Доколку имате потешкотии да го преземете од Android Market (како ние во Македонија), тогаш симнете го APK фајлот на следниов линк.
![[видео] Првата ТВ реклама за Samsung GALAXY S III](http://www.idroid.mk/wp-content/uploads/2012/05/video-prvata-tv-reklama-samsung-galaxy-s-iii-f-150x150.jpg "[видео] Првата ТВ реклама за Samsung GALAXY S III")
